«Ақынжанов оқулары – 2024» атты жас ғалымдар мен студенттердің халықаралық конференциясы
24 Қан 2024
Ә.Х. Марғұлан атындағы Археология институты 2024 жылдың 24–26 сәуірі аралығында «Ақынжанов оқулары – 2024» атты жас ғалымдар мен студенттердің халықаралық конференциясын өткізеді.
Конференция жұмысының негізгі бағыттары:
1. Қазақстандағы археологиялық зерттеулер тарихы. Археологиядағы тұлғаның рөлі;
2. Тас және палеометалл дәуірі археологиясы;
3. Ерте темір дәуіріндегі Қазақстан: мәдениеттер тоғысы;
4. Орта ғасыр археологиясы: өркениеттер диалогы;
5. Археологиядағы пәнаралық зерттеулер;
6. Этноархеология мен этнография мәселелері;
7. Тарихи-мәдени мұраны сақтау мен пайдаланудың өзекті мәселелері.
Конференцияның жұмыс тілдері: қазақ, орыс және ағылшын.
Конференцияны онлайн және офлайн форматта өткізілу жоспарлануда.
Конференцияға қатысушылардың шығыны жіберуші тараптан қаржыландырылады.
Конференция жұмысына қатысу үшін өтінім мен мақала 2024 жылдың 28 ақпанына дейін қабылданады.
Мақалалар жинағын конференцияға дейін шығару жоспарлануда.
Өтінім мен мақала: Akhinzhanov_conf@archeo.kz электронды адресінде қабылданады.
Өтінім пен мақала файлдарын бірінші автордың аты-жөнімен атау қажет (Мусаева РС_өтінім.doc; Мусаева РС _мақала).
Өтінім формасы:
1. Аты-жөні (толық);
2. Баяндама тақырыбы;
3. ЖОО немесе ғылыми мекеме (толық), факультеті, курсы;
4. Ғылыми жетекшінің аты-жөні, ғылыми атағы мен қызметі;
5. Баяндаманың бағыты, атауы;
6. Баяндама презентациясының формасы (онлайн/оффлайн)
7. Байланыс мекен-жайы, телефоны/ WhatsApp, e-mail.
МАҚАЛАНЫ РӘСІМДЕУГЕ ҚОЙЫЛАТЫН ТАЛАПТАР:
Мақалалар түпнұсқа болуы керек, бұрын жарияланған материалды қайталауға жол берілмейді.
Қолжазбаға қойылатын талаптар:
1. Жиек 2 см; Шрифт Times New Roman, размер 12, интервал 1,15; Абзацтарға дейін және одан кейін қосымша интервал болмауы керек.
Қолжазбаның толық мәтінінің көлемі – кестелерді, сызбалық қолтаңбалар мен аннотацияларды қоса алғанда, 15 мың таңбаға дейін (бос орындармен бірге). Әдебиеттер тізімі бұл көлемге енгізілмейді және мақаланың соңында бөлек келтіріледі. Мақалада 3-тен аспайтын иллюстрациялар болуы керек.
2. Автордың (Авторлардың) тегі мен аты-жөні мақала атауынан кейінгі бірінші бетте көрсетіледі.
3. Әрі қарай, сіз толық жазылған аннотация беруіңіз керек (кем дегенде 150 сөз немесе бос орындары бар 800 белгі). Аннотация жұмыс мазмұнының келесі аспектілерін қамтуы тиіс: жұмыстың мақсаты (егер ол тақырыпта толық ашылмаған жағдайда көрсетіледі); жұмысты жүргізу әдістері (егер олар жаңалығымен ерекшеленетін немесе осы жұмыс тұрғысынан қызығушылық тудыратын жағдайда сипаттау); жұмыс нәтижелері (негізгі нәтижелер, түпнұсқа ашылымдар келтіріледі); қорытындылар. Аннотацияда жұмыс тақырыбын қайталайтын сөз тіркестері; жалпы сөздер, қосымша кіріспе сөз тіркестері (мысалы, «мақала авторы қарастырады...»), күрделі грамматикалық конструкциялар; жалпыға белгілі ережелер; тарихнамалық сипаттағы мәліметтер, егер олар жұмыстың негізгі мазмұнын құрамаса, бұрын жарияланған жұмыстардың аттары болмауы қажет.
4. Түйін сөздер. Іздеу жүйелерінде мақаланы индекстеуге ықпал ететін 10-ға дейінгі түйін сөздерді көрсету қажет. Түйін сөздер мақаланың негізгі мазмұнын көрсетіп, жұмыстың келесі аспектілерін ашуы керек: аймақ, хронология, тақырып, арнайы терминдер. Түйін сөздер алфавиттік ретпен емес, маңыздылық дәрежесі бойынша «үтір» тыныс белгісімен бөлінуі керек, соңында «нүкте» тыныс белгісі қойылмайды.
5. Мәтіндегі әдебиеттер мен дереккөздерге библиографиялық сілтемелер квадрат жақшада беріледі: автордың тегі аты-жөні көрсетілмейді (біртектілердің жұмысынан басқасы) немесе қысқартылған атауы (егер басылымның авторы болмаса), шыққан жылы үтір арқылы беріліп, бетке, суретке және т.б. сілтеме жасалынады [Марғұлан 1948: 3; Ақышев К.А. 1978; Ақышев К.А., Ақышев А.К. 1997: 35].
6. Суреттерге сілтеме дөңгелек жақшамен, заттың орналасуы көлбеумен беріледі: (сур. 1, 2; 2, 1). Суреттердің авторлығын және сурет алынған дереккөзді көрсетуді ұмытпаңыз.
Мысалы:
1–сур. Сырдарияның төменгі ағысы, Жетіасар шатқалы ([Левина 1996: 31] бойынша)
2-сур. Ю.А. Мотов зерттеген тас дәуірі ескерткіштері: 1 –зерттелген ескерткіштердің картасы; 2 – Қастек тұрағы; 3 – Қарақастек тұрағы; 4 – Бұрған орны; 5 – Майбұлақ тұрағы (Д.В. Ожерельев түсірген сурет)
7. Әдебиеттер тізімі алфавиттік тәртіппен (автордың тегі мен аты-жөні, жұмыс атауы, қаласы, баспа атауы, шыққан жылы, беттері) түпнұсқа тілінде жасалады. Жинақтар үшін жауапты редакторды (редакторларды) көрсету қажет; конференция материалдары үшін –қала, конференция өткізілген күн, мақаланың соңында қабылданған қысқартулардың тізімін қоса беру керек.
Редакциялық кеңес жариялау үшін материалдарды іріктеу құқығын өзіне қалдырады.
Құрметпен, Ұйымдастыру комитеті
Мақаланы рәсімдеу үлгісі
А. Ш. АҚҚАЛИЕВА
Айбөбек Шыныбекқызы Аққалиева,
Ә.Х. Марғұлан атындағы Археология институты,
Алматы қ., Қазақстан;
aybobek.akkaliyeva@gmail.com
БІЛІКТІ ҒАЛЫМ, АРХЕОЛОГ – М.Қ. ҚАДЫРБАЕВ
Keywords: up to 10 words reflecting the region, chronology, topics, special terminology
Түйін сөздер: 10 cөзге дейін (аймақты, хронологияны, тақырыпты, арнайы терминологияны қамтитын)
Ключевые слова: до 10 слов (отражают регион, хронологию, тематику, специальную терминологию)
Abstract. 100–150 words
Аннотация. 100–150 сөз
Аннотация. 100–150 слов
Жобаға сілтемелерді рәсімдеу үлгілері:
Қаржыландыру көзі: Жұмыс ҚР ҒЖБМ Ғылым комитетінің 2023–2025 жж. арналған іргелі ғылыми зерттеулер жобасы аясында, ЖТН BR20280993 даярланды.
Источник финансирования: Работа выполнена в рамках проекта фундаментальных научных исследований Комитета науки МНВО РК на 2023–2025 гг., ИРН BR20280993.
Source of funding: The work was carried out as part of the implementation of the tasks of the project of fundamental scientific research of the Committee of Science of the Ministry of Science and Higher Education of the Republic of Kazakhstan for 2023–2025, IRN BR20280993.
Мақалада құрылымдық элементтерді бөліп көрсету керек:
1 Кіріспе. Мұнда автор зерттеудің тақырыбын, мақсаты мен міндеттерін белгілейді, болжамдарын тұжырымдайды және теориялық тұрғыдан негіздейді, мәселенің өзектілігі мен зерттелу дәрежесін қарастырады. Жалпы, бұл бөлімде (Кіріспе) оқырманға автор не зерттеп жатқанын және оның неліктен маңызды екенін түсіндіруі керек.
2 Зерттеу әдістері. Мақаланың бұл бөлігінде әдістерді, қолданылатын материалдар мен жабдықтарды көрсету, эксперименттің схемасы мен шарттарын сипаттау қажет (егер бар болса). Бөлімді мүмкіндігінше егжей-тегжейлі және түсінікті етіп жазу керек, егер қажет болған жағдайда экспериментті басқа зерттеуші қайталауы мүмкін.
3 Нәтижелер. Бұл бөлімде тек авторлық зерттеудің нәтижелері ұсынылады. Олар берілген мақсат пен зерттеу әдістемесіне сәйкес келуі тиіс. Нәтижелерді көзбен бағалау үшін ақпараттың бір бөлігі кестелер, графиктер, диаграммалар, суреттер түрінде ұсынылады.
4 Талқылау. Талқылауда алынған нәтижелерді түсіндіру және жалпылау, олардың гипотезаға сәйкестігін атап өту қажет. Егер қажет болса, авторлық зерттеу нәтижелерінің қолданылуы мен түсіндірілуінің мүмкін шектеулері көрсетіледі.
5 Қорытынды. Бұл бөлімде автор алған нәтижелерді сыни талдау негізінде қорытындылайды. Қол жеткізілген нәтижелер зерттеудің басында қойылған мақсатпен салыстырылады. Қойылған мақсатқа қол жеткізілгенін және болжамның қаншалықты расталғанын, барлық тапсырмалардың орындалғанын нақты көрсету керек. Қорытынды бөлімнің соңында болашақ зерттеулердің бағытын көрсетуге болады.
Алғыс. Қажет болған жағдайда-кеңес бергені, суреттерді дайындауға, қандай да бір ақпаратты, құжаттарды және т.б. ұсынуға көмектескені үшін алғыс білдіру.
АҚПАРАТТЫҚ ХАТ
INFORMATION LETTER
ИНФОРМАЦИОННОЕ ПИСЬМО